ఈ పుట ఆమోదించబడ్డది
రేకు: 0246-05 రామక్రియ సం: 03-264 దశావతారములు
పల్లవి:
నారాయణుఁడే సర్వనాయకుఁడు
వేరే దురాశలు వెదకఁ జోటేదయ్యా
చ. 1:
ఆకస మొకపాదము అట్టె భూమొక పాదము
పైకొని యొకపాదము పాతాళము
యేకమైనాఁ డేడనున్నా యిందులో వారే జీవులు
ఆకడఁ బరులఁ గొల్చేమనఁ జోటేదయ్యా
చ. 2:
కడుపులో జగములు కాయ మిన్నిటాధారము
యెడగలచోటనెల్లా యీతని మాయే
కడుఁబోరా దీతఁడే కారణ మందరికి
తడవి మరుపాయాలఁ దగులఁ జోటేదయ్యా
చ. 3:
చేతన్య మీతనిది సృష్టి యీతనిఘటన
ఆతుమ శ్రీవేంకటేశుఁ డంతర్యామి
రాతిరిఁబగలుఁ దానే రక్షకుఁడు మనలకు
పోతరించి ఇఁక మెచ్చి పొగడఁ జోటేదయ్యా
