ఈ పుట ఆమోదించబడ్డది
రేకు: 0245-02 సామంతం సం: 03-255 వేంకటగానం
పల్లవి:
హరియే యెరుఁగును అందరి బ్రతుకులు
యిరవై యీతని యెరుఁగుటే మేలు
చ. 1:
వెనకటి బ్రహ్మలు వేవేల సంఖ్యలు
యెనసి బ్రహ్మాండము లేలిరట
పెనగొని వారల పేరులు మరచిరి
మనుజకీటముల మరెవ్వఁ డెరుఁగు
చ. 2:
ఆసఁ దొల్లి మును లనంతకోట్లు
చేసిరి తపములు సేనలుగా
యే సిరులందిరి యెరఁగ రెవ్వరును
వేసపు నరులకు విధి యేదో
చ. 3:
కల వనేకములు కర్మమార్గములు
పలుదేవత లిటు పాటించిరి
బలిమి శ్రీవేంకటపతికి మొర ఇడి
వెలసిరి తుదనిదే వెరవిందరికి