ఈ పుట ఆమోదించబడ్డది
రేకు: 0236-03 ఆహిరి సం: 03-206 అధ్యాత్మ
పల్లవి:
అక్కటా నీమాయ కగపడె జీవుఁడు
యెక్కువతక్కువ లివి యేమీఁ దలపోయఁడు
చ. 1:
గొందినున్న స్వర్గము గోరి పుణ్యము సేయును
యెందో తన వ్రాతఫల మెరఁగడు
సందడించి మరునాఁటి చవులకే కూడపెట్టు
పొంది మింగిన కళ్ళపులుసర మెంచఁడు
చ. 2:
అప్పటి దేహసమ్మంధపాలికే మనసు పెట్టు
తప్పిపోయినవారలఁ దగులఁడు
కప్పుకొనే కోకలకే కడఁగి చేతులు చాఁచు
చిప్పిలఁ దొల్లి చించివేసినవెన్నో యెంచఁడు
చ. 3:
యెదిటిగృహారామాలివే తనకాణాచను
చెదరి కలలోనివి చేపట్టడు
వెదకు వైకుంఠపు విష్ణుమూ ర్తిఁ గనేనని
హృదయములో శ్రీవేంకటేశుఁ జూడనెంచఁడు