ఈ పుట ఆమోదించబడ్డది
రేకు: 0230-04 ముఖారి సం: 03-171 శరణాగతి
పల్లవి:
దైవమా వో దైవమా నన్ను దయఁజూడ దగదా
నే వెఱ్ఱివాఁడనైతే నీవు వెఱ్ఱివా
చ. 1:
చవిగొంటి నెత్తురెల్లా చన్నుఁబాలనుచు నేను
భువి దొల్లే నోచితి పుట్టేనంటాను
యివల గడుపులోన హేయమౌతాఁ గూడవుతా
నివిరి నన్నెరఁగను నిన్నెరిఁగేనా
చ. 2:
మొగిఁ జావుకు వెరతు ముందర గాన నేను
వెగటు లంపటమైతే వేసరుకొందు
వగపును నగవును పడి నొక్క మొకమందే
తగులైనవాఁడ నీపై తలఁపు నాకున్నదా
చ. 3:
మతి భ్రమసితిఁ గొంత మన్ను నాకు రాజ్యమని
సతులంటా సుతులంటా సంసారినైతి
గతియై శ్రీవేంకటేశ కాచితి వింతటిలోనే
యితరుఁడ నింతే నీకు నేమి బాఁతి నేను
