ఈ పుట ఆమోదించబడ్డది
రేకు: 0227-02 ధన్నాసి సం: 03-151 నృసింహ
పల్లవి:
వీఁడె వీఁడె కూచున్నాఁడు వేడుకతో గద్దెమీఁద
వాఁడి ప్రతాపము తోడి వరదానసింహము
చ. 1:
అరయఁ బ్రహ్లాదుని ఆపదోద్ధారసింహము
గిరివై యిందిరకును క్రీడాసింహము
నిరతి సురల భయనివారణసింహము
సరి హిరణ్యకసిపు సంహారసింహము
చ. 2:
ఇట్టె విశ్వమునకు నేలికైన సింహము
గట్టిగ శరణాగతులఁ గాచే సింహము
దిట్టయై వేదాలలోని తెరవేఁటసింహము
నెట్టుకొనిన దురితనివారణసింహము
చ. 3:
అంచల మూఁడుమూర్తుల కాధారమైన సింహము
పంచల మునుల భాగ్యఫలసింహము
పొంచి శ్రీవేంకటాద్రికి భూషణమైన సింహము
చెంచుల అహోబలపు శ్రీనారసింహము