ఈ పుట ఆమోదించబడ్డది
రేకు: 0224-05 దేవగాంధారి సం: 03-136 పోలికలు
ధర్మాధర్మము లాల దైవము లాల
నిర్మిత మాతఁడే కాని నే నేమీ నెఱఁగ
చ. 1:
పుట్టించేటివాఁడు హరి పుట్టెడివాఁడ నేను
నెట్టన నున్న పనులు నే నెఱఁగ
వెట్టివాఁడ నేనింతే విష్ణుఁడు నా కేలికె
చుట్టిన నడుమంత్రాల సుద్దులూ నెఱఁగ
చ. 2:
లోకము దేవునిమాయ లోనైనవాఁడ నేను
చేకొని కర్మములలో చేఁతలెరఁగ
సాకిరి మాత్రము నేను సర్వజ్ఞుఁడాతఁడు
దాకొని నేఁ దలఁచేటి తలఁపూ నెఱఁగ
చ. 3:
అంతరాత్మ యాతఁడు ఆతనిబంట జీవుఁడ
పంతాన నాలోపలి భావ మెరఁగ
యింతయు శ్రీవేంకటేశుఁ డిటువంటివాఁడ నేను
చెంతల నానందమిది చెప్పనేమీ నెఱఁగ