ఈ పుట ఆమోదించబడ్డది
రేకు: 0223-06 శంకరాభరణం సం: 03-131 నామ సంకీర్తన
పల్లవి:
నలినాక్ష నీకు నమస్కరించిన-
ఫలము వొగడ నిఁక బ్రహ్మకు వశమా
చ. 1:
పూర్వదోషములఁ బోఁదోలి మఱియు
సర్వాపచారము క్షమియించి
గర్విత మదముల కసటు వాపి నను
నిర్వహించె నిదె నీనామము
చ. 2:
నేఁడునుఁ జేసిన నేరము లణఁచి
వేఁడి కర్మముల విడిపించి
వాఁడి దుఃఖముల పడిఁ బరిహరించె
నాఁ డెఱఁగఁగ నీ నామము
చ. 3:
వుమ్మడి సుఖముల నొనరించీ మాకు
సమ్మతి శుభములు జయమొసఁగీ
యిమ్ముల శ్రీవేంకటేశ్వర యిదివో
నెమ్మది రక్షించె నీనామము