ఈ పుట ఆమోదించబడ్డది
రేకు: 0222-04 వరాళి సం: 03-123 వైరాగ్య చింత
పల్లవి:
ఇన్నిటికి నీశ్వరేచ్ఛ యింతేకాక
తన్నుఁదానే హరి గాచు దాసుఁడైతేఁ జాలు
చ. 1:
ప్రకృతిఁ బుట్టిన దేహి ప్రకృత(తి?) గుణమే కాని
వికృతి బోధించబోతే విషమింతే కాదా
వొకవిత్తు వెట్టితే వేరొకటేల మొలచును
ప్రకటమైన వట్టిప్రయాసమే కాక
చ. 2:
పాపానఁ బుట్టిన మేను పాపమే సేయించుఁ గాక
యేపునఁ బుణ్యముతోవ యేల పట్టును
వేపచేఁదు వండితేను వెస నేల బెల్లమవును
పైపై బలిమి సేసే భ్రమ యింతే కాక
చ. 3:
ప్రపంచమైన పుట్టుగు ప్రపంచమునకే కాక
వుపమించ మోక్షమున కొడఁబడునా
ప్రపన్నుడైనవేళ భాగ్యాన శ్రీవేంఠటేశుఁ-
డపుడు దయఁజూడఁగ నధికుఁడౌఁ గాక