ఈ పుట అచ్చుదిద్దబడ్డది
రేకు: 0202-04 సాళంగం సం: 03-010 భక్తి
పల్లవి:
భక్తసులభుఁడును పరతంత్రుఁడు హరి
యుక్తిసాధ్య మిదె యొకరికీఁ గాఁడు
చ. 1:
నినుపగు లోకముల నిండిన విష్ణుఁడు
మనుజుఁడ నాలో మనికియయ్యె
మునుకొని వేదముల ముడిగిన మంత్రము
కొననాలికలలోఁ గుదురై నిలిచె
చ. 2:
యెలమి దేవతల నేలిన దేవుఁడు
నలుగడఁ నధముని నను నేలె
బలుపగు లక్ష్మీపతి యగు శ్రీహరి
యిల మా యింటను యిదివో నిలిచె
చ. 3:
పొడవుకుఁ బొడవగు పురుషోత్తముఁడిదె
బుడిబుడి మా చేతఁ బూజ గొనె
విడువ కిదివో శ్రీవేంకటేశ్వరుఁడు
బడి వాయఁడు మా పాలిట నిలిచి