ఈ పుట అచ్చుదిద్దబడ్డది
రేకు: 0314-1 రీతిగౌళ సంపుటం: 11-079
పల్లవి: చాయ సేసుకొనుఁ గాక సతుల యడాటాన
పాయపు రమణఁడైతే పంతము గొనీనా
చ. 1: చెక్కు నొక్కి సేద దేర్చి సేవలు సేసితిని
యెక్కువ తక్కువ లెల్లా నిఁక నేడవే
గక్కన మీరు చెప్పఁగా గాని మ్మంటి మీమాట
అక్కడనె నిలుచున్నాఁ డప్పటిఁదా నేఁటిదే
చ. 2: కొంకు వాయఁ గాఁగిలించి కూరిమి నవ్వు నవ్వి
యింకఁ జెమరించితిని యిఁక నేఁటిదే
మంకుదాన ననే రంటా మారుమాటలాడ మీకు
బింకము లింగా మానఁడు పెనఁగనే వలెనా
చ. 3: మోవి యిచ్చి మొక్కు మొక్కు మోహ మెల్లా జల్లితి
యీవల వట్టిగుట్లు యిఁక నేఁటికే
మే వెంచి శ్రీవెంకటేశు మీ మొకమోటఁ గూడితి
నావాఁడనె అనీఁ దాను నమ్మికలు వలెనా