ఈ పుట అచ్చుదిద్దబడ్డది
రేకు: 0308-4 సాళంగం సంపుటం: 11-046
పల్లవి: ఇటువంటి తగవులే యెక్కడ చూచినను
నటనలు బూమిలోన నడచీ నయ్యా
చ. 1: కన్నుల నవ్వినందుకు కాఁతాళించే వేమయ్య
యెన్ని కెగాఁ దిట్టితే నీ వేమి నేతువో
వున్నతి నెవ్వరుఁ దమ వొళ్లికల్ల చూచుకోరు
యిన్నిటాఁ దమ్ము సోఁకితే యెగ్గు పట్టఁ జూతురు
చ. 2: పైకొని మాటాడితేనె పగ చాటే వేమయ్య
యీకడ చెత నంటితే యేమి సేతువో
ఆకడఁ దమచేఁతలు అందము లనుకొందురు
లోకు లవి గాదంటే లోఁచి నా దడుతురు
చ. 3: మొక్కి మొకము చూచితే మొరయుచు జంకించేవు
యిక్కువ గోర గీరితే నేమి సేతువో
మక్కువ శ్రీవెంకటేశ మంచివాఁడ వై కూడితి
తక్కక వా రిది గంటే దంటవు నీ వందురు