ఈ పుట అచ్చుదిద్దబడ్డది
రేకు: 0305-6 బౌళి సంపుటం: 11-030
పల్లవి: కన్నవారిదె కాదా కందికుడు మన్నమాట
యెన్నఁడు జెప్పఁగ విని యెరఁగవో కాక
చ. 1: మక్కువ నీ రమణుఁడు మాయింటికి వచ్చె నంటా
యెక్కువతోఁ బిలవ నీ వేల వచ్చేవే
వొక్కరు నోచినసొమ్ము లొకరికి నేల వచ్చు
పక్కనఁ గైకొన్న వారిభాగ్య మింతే కాక
చ. 2: నాఁడు నీ వడిగేసొమ్ము నాకుఁ దెచ్చి యిచ్చె నంటా
వాఁడిమి నీ వేల యింత వాదించేవే
వేఁడయెఱ్ఱిమానిబంక వెఱ్ఱిమాన నేల యంటు
పోఁడిఁమి జేసినవారిపుణ్య మింతే కాక
చ. 3: నీ వరు సై వుండఁగాను నేఁడు నన్నుఁ గూడెనంటా
శ్రీవెంకటేశ్వరు నేల చిమ్మి రేఁచేవే
దేవర వర మిచ్చితే తేరకాఁడు పూజరి
భావించి తొల్లిటి దానఫల మింతే కాకా