ఈ పుట అచ్చుదిద్దబడ్డది
రేకు: 0303-4 బౌళి సంపుటం: 11-016
పల్లవి: ఎందు వొయ్యే మిఁకనూ యెరిఁగేము గాక నిన్ను
కందువలనె తెలిపేఁ గానీవయ్య యిపుడు
చ. 1: యింతుల తిట్లకును యెగ్గు వట్టెవారె కాక
సంతసించి నవ్వు నవ్వేజాణ లెవ్వరు
అంతలోనే నని వచ్చే వాయము సోఁకనాడి
పంత మెల్లఁ గనుకొనే పదవయ్య లోనికి
చ. 2: కొమ్మల సణఁగులకు గోర సేసేవారె కాక
సమ్మతించి మెచ్చు మెచ్చేజాణ లెవ్వరు
కమ్మర దీకోనేవు నీకడమ లెల్లాఁ బాపి
నమ్మి నీవోపిక చూచేఁ బదవయ్య లోనికి
చ. 3: మగువల మేకులకు మట్టుపడేవారె కాక
జగములోఁగా దనేటిజాణ లెవ్వరు
నిగిడి శ్రీవెంకటేశ నిన్ను నేనె కూడితిని
పగటు లేరుపరచేఁ బదవయ్య లోనికి