ఈ పుట అచ్చుదిద్దబడ్డది
రేకు: 0302-4 మధ్యమావతి సంపుటం: 11-010
పల్లవి: కాంతలకుఁ బతులకు కల సాజమె యిది
వింతదాననా నీకు వెర పేలమ్మా
చ. 1: కందువకు దీసేది కన్నుల నదలించేది
యిందరికి గలదె యే మమ్మా
యిందుకుఁగా నాతఁడు యెగ్గు వట్టీనా నిన్ను
విందుల వెరపు చల్లీ వెర పేలమ్మా
చ. 2: పెనఁగితేఁ దిట్టేది బెరసితే మెచ్చేది
వనితల కీపాటి వలె నమ్మా
చన విచ్చె నాతఁడు సలిగె గలదు నీకు
వెనక ముందరి కింక వెర పేలమ్మా
చ. 3: కూడి యిట్టె చొక్కేది గురుతులు నించేది
పాడి పంత మెక్కె నీకు పైపై నమ్మా
వోడక శ్రీవెంకటేశుఁ డురమున బెట్టె నిన్ను
వేడుకకు వెల లేదు వెర పేలమ్మా