పుట:తాళ్ళపాక పదసాహిత్యం - నాలుగవ భాగం.pdf/61

వికీసోర్స్ నుండి
ఈ పుట అచ్చుదిద్దబడ్డది

రేకు: 0310-06 బౌళి సం: 04-060 అధ్యాత్మ


పల్లవి :

గోనెలె కొత్తలు కోడెలెప్పటివి
నానిన లోహము నయమయ్యీనా


చ. 1:

మున్నిటి జగమే మున్నిటి లోకమే
యెన్నఁగ బుట్టు గులివె వేరు
నన్ను నెవ్వ రున్నతి బోధించిన
నిన్న నేటనే నేనెఱిఁగేనా


చ. 2:

చిత్తము నాఁటిదే చింతలు నాఁటివే
యిత్తల భోగములివె వేరు
సత్తగు శాస్త్రము చాయ చూపినా
కొత్తగ నేనిఁక గుణినయ్యేనా


చ. 3:

జీవాంతరాత్ముఁడు శ్రీవేంకటేశుఁడే
యీవల భావనలివె వేరు
ధావతి కర్మము తప్ప దీసినా
దైవము గావక తలఁగీనా