ఈ పుట అచ్చుదిద్దబడ్డది
రేకు: 0389-05 శంకరాభరణం సం: 04-518 రామ
పల్లవి:
వినుఁ డిదె రఘుపతి విజయములు
పనుపడి రాక్షస బాధ లుడిగెను
చ. 1:
కులగిరు లదరెను కుంభిని వడఁకెను
యిల రాముఁడు రథమెక్కినను
కలఁగె వారిధులు కంపించె జగములు
బలు విలునమ్ములు వట్టినను
చ. 2:
పిడుగులు దొరిగెను పెనుగాలి విసరె
తొడిఁబడి బాణము దొడిగినను
ముడివడె దిక్కులు మొగ్గె దిగ్గజములు
యెడపక రావణు నేసినను
చ. 3:
చుక్కలు డుల్లెను స్రుక్కె భూతములు
తొక్కి యసుర తల దుంచినను
గక్కన శ్రీ వేంకటగిరి నిలువఁగ
అక్కజమగు శుభ మందరి కొదవె