ఈ పుట అచ్చుదిద్దబడ్డది
రేకు: 0౩80-02 దేవగాంధారి సం: 04-465 మేలుకొలుపులు
పల్లవి:
వారిధి శయన వో వటపత్ర పరియంక
గారవాన మేలుకొని కన్నులు దెఠవవే
చ. 1:
ఘన యోగి హృదయపు కమలాలు వికసించె
వొనర విజ్ఞాన సూర్యోదయమాయ
మును జీవ పరమాత్మముల జక్కవలు గూసె
వనజాక్ష మేలుకొని వాకిలి దెరవవే
చ. 2:
కలుషముల నేటి చీఁకట్లెల్లఁ బెడఁబాసె
నలువంక వేద కీరనాదము మ్రోసె
అలరి యితర ధర్మాల నేటి చుక్కలు మాసె
జలజాక్ష మేలుకొని సతి మోము చూడవే
చ. 3:
కపట రాక్షస నేత్ర కలు హారములు మోడ్చె
యిపుడే సుకర్మముల యెండలు గాసె
అపురూప శ్రీ వేంకటాద్రీశ మేలుకొని
నిపుణుఁడ యిందిరయు నీవు మమ్ముఁ గావనవే