ఈ పుట అచ్చుదిద్దబడ్డది
రేకు: 0378-03 వరాళి సం: 04-455 అంత్యప్రాస
పల్లవి:
ఎరిఁగీ నెరఁగదు యేమి సేతు మతి
హరిదాస్యం బదియే సుఖము
చ. 1:
వెతలఁబొరలే ఘన విభవముకంటే
అతి పేదరిక మది సుఖము
గతి నెరవుల సింగారము కంటెను
సత మగు తన నిచ్చలమే సుఖము
చ. 2:
పలుబాములఁబడు పగలిటికంటే
తెలిసి నిద్రించు రాతిరి సుఖము
అలమట గడించు నమృతముకంటే
కలపాటి తనకు గంజే సుఖము
చ. 3:
పరపీడలొసఁగు భవమునకంటే
ధరఁ బొడమని చందము సుఖము
గరిమల శ్రీ వేంకటపతి నీకే
శరణని యెడి నాజన్మమే సుఖము