ఈ పుట అచ్చుదిద్దబడ్డది
రేకు: 0370-06 శంకరాభరణం సం: 04-415 నృసింహ
పల్లవి:
పరగీనదివో గద్దెపై సింహము వాఁడె
పరమైన యౌభళ నారసింహము
చ. 1:
తెల్లని మేని సింహము దేవ సింహము
మెల్లని చిరునవ్వుల మేటిసింహము
చల్లేటియూరుపులతో జయసింహము వాఁడె
బల్లిదుఁడై వెలసే యౌభళ నారసింహము
చ. 2:
నిలుచున్నసింహము నిత్యసింహము
అలరుఁ గొండలమీఁది యాదిసింహము
వెలుపలి కడపపై వీరసింహము
పలుకుఁ బంతము (ల) యౌభళనారసింహము
చ. 3:
పుట్టుజడలసింహము పూర్ణసింహము
ఱట్టడి యార్పుల యాఱడిసింహము
జట్టి గొన్న దాసులకు శాంత సింహము
పట్టపు శ్రీ వేంకటయౌభళ నారసింహము