రేకు: 0346-03 శంకరాభరణం సం: 04-270 అద్వైతము
పల్లవి : |
చెప్పఁబోతే యీ యర్ధము చిత్తము వొడఁబడదు
తప్పులు వెదకకురో తత్వజ్ఞులాల
|
|
చ. 1: |
చెలఁగి మిథ్య యంటాఁ జేసేయజ్ఞాలు ఫలించునా
యిల శూన్యోపాసకుల కేడ దేవుఁడు
లలి మాయా శబళితులకు మోక్ష మెక్కడిది
నలి నభేదవాది కానందానుభవ మేది
|
|
చ. 2: |
హరి శరణు చొరనియట్టివారికి దిక్కేది
గురుఁడు వేరే లేఁడట కోరి వుపదేశమేది
వెరసి శిఖాసూత్రాలు విడిచితే ప్రణవమేది
పరగ భక్తి లేదట భవమేట్టు గడచె
|
|
చ. 3: |
శ్రీవేంకటేశుముద్ర ధరించక వైకుంఠమేది
యీ విభుపేరు జపించకెట్టు పాపా లుత్తరించు
వేవేగ దాసుఁడుగాక వెట్టికేల కరుణించు
సేవించినఁగాక సర్వచింతలేల యుడుగు
|
|