రేకు: 0336-01 నాదరామక్రియ సం: 04-208 వైరాగ్య చింత
పల్లవి : |
ఏమని విన్నవించేను యెన్నెని కాచేవు నీవు
శ్రీమాధవుడ నీకుఁ జేతికి లోనయ్య
|
|
చ. 1: |
పుట్టినదె వొకతప్పు భువిమీఁద నటమీఁద
నెట్టన సంసారినౌటే నిజము రెండోతప్పు
రట్టుకెక్కి దొరనౌటే నెట్టన మూఁడోతప్పు
యిట్టె కావు కావకుండు మిదివో నాతప్పు
|
|
చ. 2: |
అన్నపానములు గోరినదియే మొదలి బందె
యెన్నఁగఁ గాంతలఁ గూడుటిదివో రాతిటిబందె
కన్నవారి వేఁడేది కడతొడుకుబందె
కొన్నిట నేమి గొనేవు కొనవయ్య బందె
|
|
చ. 3: |
కొనఁ బుణ్యపాపాలే గొడియకట్లు రెండు
కొనిరి నీదాసులే కోరిన తప్పుదండము
వినవయ్య యిదివో శ్రీ వేంకటేశ నామనవి
మనుఁగాఁపుఁ జేసితివి మన్నించవయ్య
|
|