రేకు:0318-02 భవుళి సం: 04-103 విష్ణు కీర్తనం
| పల్లవి : |
నీకంటే నితరము మరి లేదు నేనెవ్వరితో భాషింతు
యేకో నారాయణుఁడవు నీవని యెన్నచు నున్నవి వేదములు
|
|
| చ. 1: |
యెక్కడచూచిన నీరూపంబులే యెవ్వరిఁజూచినఁ దోఁచిని
వెక్కసముగ నీమహిమ యనంతము విశ్వాత్మకుఁడవుగాన
నిక్కి యెవ్వరిని బేర్కొని పిలిచిన నీనామములై తోఁచీని
వక్కణించఁగా సకలశబ్దములవాచ్యుఁడవటు గాన
|
|
| చ. 2: |
యేపనిచేసిన నీపనులే అవి యివ్వలనవ్వలఁ దోఁచీని
పాపపుణ్యమని తోఁచదు నీవే పరచైతన్యమవటు గాన
దాపుగ మతిలోనేమి దలఁచినా ధ్యానము నీదైతోఁచీని
లోపల వెలుపల నిండుక వుండెది లోకపూర్ణుఁడవు గాన
|
|
| చ. 3: |
యీ యర్థమునకు నేననువాఁడను యెక్కడ నున్నాఁడ నీలోనే
కాయధారినై యేర్పడి నీలోఁగాక చరించితి యిన్నాళ్లు
యీ యపరాధము యెంచకుమీ నను యిందునె పో నీశరణంటి
పాయక నిన్నిఁక శ్రీవేంకటపతి పరబ్రహమవుఅటు గాన
|
|
