ఈ పుట అచ్చుదిద్దబడ్డది
రేకు: 0267-2 శంకరాభరణం సం: 09-098
పల్లవి:
నాకు నాకే వెరగయ్యీ నన్నుఁ జూచి
పైకొని మరుఁడు సేసే భ్రమత గాఁబోలును
చ. 1:
పులకించితి నింతె పూవుల మొగ్గలు రాలీ
కలికి వసంతము గాఁబోలు
పలికితి నింతె నేను ఫైకొనీ కెంజాయకెంపు
కలయగ నెరసంజ గాబోలును
చ. 2:
విందుల నవ్వితి నింతె వెన్నెలపొలపుగాని
కందువ చంద్రోదయము గాఁబోలును
ముందరఁ జూచితి నింతె ముంపు దామెరలు రాలీ
దిందుపడి యింతలోనె తెల్లవారఁబోలును
చ. 3:
చెమరించితి నింతె నేసముత్యములు రాలీ
తమి శ్రీవెంకటపతి దగ్గరఁ బోలు
అమరఁ గూడితి నింతె ఆతఁడు మేను మరచె
సమమోహములలోని సందడి గాఁబోలును