ఈ పుట అచ్చుదిద్దబడ్డది
రేకు: 0265-5 నాదరామక్రియ సం: 09-089
పల్లవి:
చెలువుఁడ నీవు మేలు చిత్తమె తీలుగాని
పలుకులఁ దనిసితి బాస లెట్టో కాని
చ. 1:
అంది నీ మాటలు మోవి యమృతపుఁ దీపె పో
చిందర నీ చేఁతలె చేఁదు గాని
విందుల నీ ప్రియములు వెన్నకంటె నున్ననె పో
కందువ నీ గుండె యిదె కడురాయి గాని
చ. 2:
సొంపుల నీ యిచ్చకాలు చుక్కలకంటె గనము
గుంపెన నీ గుణమె కొంచము గాని
తంపి నీ చుట్టరికము తామెరకంటె దంపర
యింపు నీ వలపె యార డిన్నిటిలోఁ గాని
చ. 3:
గరిమె నీ నగవులు కప్పురాలకంటెఁ జవి
కరఁగు నీ విడెమె కారము గాని
యిరవై శ్రీ వెంకటేశ యిట్టె నన్నుఁ గూడితివి
సరవు లిప్పుడు మేలు సటదొల్లెకాని