ఈ పుట అచ్చుదిద్దబడ్డది
రేకు: 0258-3 ముఖారి సం: 09-045
పల్లవి:
ఇందు నందునె యింతిపోలికలు
విందుల విభునికి వేడుకలాయ
చ. 1:
వెడఁగుఁ దీగెలను విరులపరిమళము
పడఁతిమాటలనుఁ బరిమళము
బడిఁ గనకమునకుఁ బదారువన్నెలు
సుడిగొని వనితకు షోడశకళలు
చ. 2:
కులికి సురతరువుకొమ్మునఁ బూఁపలు
పొలిఁతికుచంబునఁ బూఁపలు
వెలయు వసంతపువేళనె చిగురులు
చెలి పాదములను చేఁగ చిగురులు
చ. 3:
పొంత జలనిధులఁ బొడమెఁ దామెరలు
కాంతకరములె కమలములు
యింతట శ్రీవెంకటేశుఁడు గూడఁగ
కాంతరతుల కివి కదంబమాయ