ఈ పుట అచ్చుదిద్దబడ్డది
రేకు: 0299-4 ఆహిరి సం: 09-292
పల్లవి:
వట్టిచనవులఁబోతే వాసిగలదా
నెట్టన నీకు మొక్కితే నీవె మెచ్చేవూ
చ. 1:
మన్ననగలకాంతలు మాటలాడఁ జెల్లుఁగాక
వున్నవారు మాటాడితే నొద్దికలౌనా
విన్నా విననియట్టు కన్నాఁ గననియట్టు
సన్నల మెలఁగితేనె జాణతనముగాకా
చ. 2:
ననుపు గలుగువారు నవ్వినా నమరుఁగాక
వనితలెల్లా నవ్వితే వాడికలౌనా
పెనఁగినాఁ బెనఁగక బిగిసినా బిగియక
మనసులో మెలఁగుటే మంచిదిగాకా
చ. 3:
అలమేలుమంగను నే నంటిముట్టఁ జెల్లుఁగాక
వెలుపలివా రంటితే వేడుకలౌనా
నెలవై శ్రీవెంకటేశ నీవు నన్నుఁ గూడితివి
బలిమి మెరయుటే పంతముగాకా