ఈ పుట అచ్చుదిద్దబడ్డది
రేకు: 0254-1 మంగళకౌశిక సం: 09-019
పల్లవి:
దవ్వులసరసములు తగునా నీకు
వువ్విళ్లె మేన నొచ్చమున్నవానివలెను
చ. 1:
గోడ నిక్కి చూచేవు గొబ్బున దగ్గరి రావు
ఆడనుండె యెడమాట లాడించేవు
వీడెపు నీమోవి చూపి వికవిక నవ్వేవు
కూడి ముట్టువారి ముట్టుకొన్నవానివలెను
చ. 2:
యెదుట సన్నలు సేసే వేకతము లాడేవు
పొదిగి నే రమ్మంటేఁ బొందు చూపేవు
బెదరేవు నీమేను పెనుగోర నంటితేను
చెదరి చీఁకటితప్పు సేయువాని వలెను
చ. 3:
అలికేవు వులికేవు అంతలోన భ్రమసేవు
వెలయ నిలువుననె వెరగందేవు
యెలమి శ్రీ వెంకటేశ యీడకు విచ్చేసి నీవు
కలసితి విదె కలగన్నవానివలెను