ఈ పుట అచ్చుదిద్దబడ్డది
రేకు: 0282-2 శ్రీరాగం సం: 09-188
పల్లవి:
తరుణి యిందుకే తలవంచె
సరసము లెటువలె జరపితివో
చ. 1:
పంతము లాడుచుఁ బరతెంచిన చెలి
చెంతల నినుఁ గని సిగ్గువడె
మంతు కెక్కి కనుమరఁగులలోనె
యెంత సేసితివో యే మంటివో
చ. 2:
జంకెల బొమ్మల జరసే నని సతి
అంకెల నినుఁ గని అరమఱచె
సంకెలేని నీ చాయలలోనె
వుంకువ నీ వెట్లుండితివో
చ. 3:
అటు నినుఁ గలయుచు నలమేలుమంగ
నటనల నినుఁ గని నవ్వె నదే
చిటిపొటి రతులను శ్రీవెంకటేశ్వర
యెటువలె నొకటయి యెనసితివో