ఈ పుట అచ్చుదిద్దబడ్డది
రేకు: 0278-3 సామంతం సం: 09-165
పల్లవి:
నీవే యిన్నిట నిజమరివి
వావిదెలుప యిఁక వద్దయ్యా
చ. 1:
వచ్చినపుడె నీవలపులు దక్కెను
యెచ్చు కుందు లిఁక నేమిటికి
కుచ్చెను కాఁగిట గుఱిగా నిన్నిదె
రచ్చలఁ బెట్టక రావయ్యా
చ. 2:
పలికినపుడె నీ పంతము చెల్లెను
యెలయింపుల పనులేమిటికి
పిలిచీ రతులకుఁ బేరుకొనుచునిను
కొలఁదితేనె వూఁకొనవయ్యా
చ. 3:
కూడినపుడె నీగుణములు దెలిసెను
యేడసుద్దు లిఁకనేలయ్యా
యీడనె శ్రీవెంకటేశ యెనసితిమి
మేడెపు రతులివి మెచ్చవయ్యా