ఈ పుట అచ్చుదిద్దబడ్డది
రేకు: 0268-1 సాళంగనాట సం: 09-103
పల్లవి:
సటలకు జంపు నాతో జరపీఁ గాక యిట్టె
కటకటా నిజ మెల్లఁ గానరాదా నాకు
చ. 1:
కడుమోహము నాపైఁ గలవాఁడె తా నైతె
యెడమాట లాడుదాఁకా హృదయము నిలిచీనా
వొడఁబాటులేమి గల్లా వొద్ద నాతో నాడుఁ గాక
విడువు మనవె యిట్టివేషము లెరఁగనా
చ. 2:
కరుణె తనమతిఁ గలిగినవాఁ డైతె
అరయ నాహార నిద్ర లాడఁ దన కింపౌనా
కొరతలేమిగల్లాఁ గోరి నాతో నాడుఁ గాక
వెరవున విడు విడు వేసా లెరఁగనా
చ. 3:
తానె నే నైతె తనువులు వే రౌనా
తానె మతికి మతిఁ దారుకాణ లౌఁ గాక
యీ నెపాన శ్రీవెంకటేశుఁడు నన్నుఁ గూడె
వీనుల వినిన నింతె వేసా లెరఁగనా