ఈ పుట అచ్చుదిద్దబడ్డది
రేకు: 0252-3 బౌళి సం: 09-009
పల్లవి:
మానుసులకుఁ దరమా మరి యివి నీకె కాక
ఆనుకొని సేసే వీ దయ్యపు చేఁతలు
చ. 1:
నిండు గొల్లతనమున నీకె తగునయ్య
కొండ యెత్తినట్టి గొడగుల నీడలు
గండపురాకాసివేఁటకాఁడవు నీ కమరును
దుండగపుటూరజాతురబోనాలు
చ. 2:
యిల దేవపిండమవయ్యిన నీ యాటలయ్య
బలుసముద్రాలమీఁది పాటపరువు
అలరు కాముకుఁడవుఅయిన నీకుఁ జెల్లునయ్య
చలమరి బ్రహ్మతోడి చయ్యాటాలు
చ. 3:
కొయ్యరాచవాఁడవు కోరి నీకు నబ్బె నయ్య
పుయ్యక దూలచుట్టాల పోరాటాలు
యియ్యెడ శ్రీవెంకటేశ యేలితి పదారువేల
నెయ్యాన నన్నుఁ గూడితి నిలిచెఁ బైకొసరు