రేకు: 0013-5 శంకరాభరణం సం: 05-078
పల్లవి:
అహో సురతివిహారోయం సహజ పరాజయశంకా నాస్తి
చ. 1:
యమునాకూలే సమలతాగృహే విమలసైకత వివిధస్థలే
రమణీరమణౌ రమతస్తనేయోః ప్రమదస్య పరాత్పరం నాస్తి
చ. 2:
రజనీ కావా ప్రాతః కింవా త్యజనం భజనం తత్కింవా
విజయః కోవాపజయః కోవా భుజపరిరంభ స్ఫుటం నాస్తి
చ. 3:
చీనాంశుక రంజితమేఖలావి తానే జఘనంతరతి సతి
మానవికలనే మానినీమణే హీనాధిక పరిహృతి నాస్తి
చ. 4:
కింవా మిళనం కింవా మిళనం త్వం వాం హంవా తన్నాస్తి
సంవాదో వా సరసః కోవా కింవా వాచ్యా క్రియా నాస్తి
చ. 5:
ఆదిదేవ పీతాంశుక బద్ధా స్వేద సురభి కాశ్మీరజలం
సాదురుంహ్యం లజ్ఞావివశతయా ఖేదేన వచః కించిన్నాస్తి
చ. 6:
వరకుచాగ్ర సంవ్యానం కరేణ హరౌ పరం పరిహరతి సతి
సరసలోచనంచల వివశతయా తరుణ్యాం చైతన్యం నాస్తి
చ. 7:
సురతాంతశ్రమ సుఖం కింవా వరలజ్జా సావా కావా
పరమశతను వైభవం కింవా నిరతాం తయో నికృతిం నాస్తి
చ. 8:
పరమళ భరిత ప్రచుర సుశీతల వరమృదువాయౌ వాతి సతి
తిరువేంకటగిరిదేవ రాధయో స్సరసరతి సుఖశ్రాంతిర్నాస్తి
పుట:తాళ్ళపాక పదసాహిత్యం - ఐదవ భాగం.pdf/79
ఈ పుట అచ్చుదిద్దబడ్డది