ఈ పుట అచ్చుదిద్దబడ్డది
రేకు: 0010-4 శుద్ధదేశి సం: 05-059
పల్లవి:
ఎందరిఁ జెనకేవేరా నీవు
అందపు నీ మేన నలముచు
చ. 1:
ఎక్కడికైనా విచ్చేసి యేరా నీవు
వెక్కస మాడేవు వెఱవక
యిక్కువలంటఁగ వచ్చేవేరా నీవు
నిక్కపు నీ ప్రేమ నెరపుచు
చ. 2:
ఎప్పుడు మానవు బిగువేరా నీవు
కప్పురపు నోరఁ గసరుచు
యిప్పుడె యింతేసి చేసేవేరా నీవు
వొప్పదు నాతోడి వుదుటులు
చ. 3:
ఏతరుణిఁ దలఁచితొ యేరా నీవు
కాతరాన నన్నుఁ గలయుచు
యేతరి వేంకటేశుఁడ యేరా నీవు
బూతులమాటాడి పొదలేవు