ఈ పుట అచ్చుదిద్దబడ్డది
రేకు: 0001-5 కాంబోది సం: 05-005
పల్లవి:
రాకుంటే మానుఁగాక రంతులేఁటికే
వేఁకపు గుబ్బలాండ్ల విటుడాఁతఁడు
చ. 1:
అంపిన కప్పురమొల్ల నంటేఁ దాననుఁ గాక
వంపు మోముతోడ నీకు వాడనేఁటికే
చెంపల లప్పలు నిండఁ జెరిగిన కప్పురపు -
గంపకొప్పుల సతుల ఘనుఁడాతడు
చ. 2:
ఒద్దికగాకక్కడనే వుంటే దానుండుఁ గాక
ముద్దుమోము వంచి నీకు మొక్కనేఁటికే
చద్దికి వేఁడికి మంచిచక్క సతుల మోవి
పొద్దునొద్దుకారగించే భోగి యాతఁడు
చ. 3:
అబ్బురపు వేంకటేశుఁడైతే దానవుఁ గాక
గబ్బి చూపులెల్లా నీకై గప్పనేఁటికే
జొబ్బిలేటి జవ్వాదిసోనల పన్నీట నన్ను
గుబ్బలంటి సరసానఁ గూడెనాతఁడు