ఈ పుట అచ్చుదిద్దబడ్డది
రేకు: 0008-4 సామంతం సం: 05-047
పల్లవి:
ఎట్టయినఁ జేయరా నీ విఁకనేలా నన్నుఁ
బట్టకుర పలుమారు పదివేలు వచ్చెను
చ. 1:
ఇంత సేసితివి చాలు నిఁకనేలా తొల్లె
యింతటివాఁడని నిన్నెఱగనా
ఇంతులపై దయగలదిఁక నేలా నీ-
పంతములే నీకుఁజెల్లె పదివేలు వచ్చెను
చ. 2:
ఇచ్చలాడకురా నాతో నికఁనేలా నీ-
యచ్చటమ్ములే నిజమాయఁగా
యెచ్చరిక మఱచితినిఁకనేలా నన్ను
పచ్చిసేయకురా యింత పదివేలు వచ్చెను
చ. 3:
ఇనుమడించె నీచేఁత లిఁకనేలా నీ-
కనుమాయలిన్నియుఁ గంటిమిగా
యెనసి వేంకటపతి యిఁకనేలా నన్నుఁ
బనుపరచితివిట్టే పదివేలు వచ్చెను