ఈ పుట అచ్చుదిద్దబడ్డది
రేకు: 0006-6 సామంతం సం: 05-037
పల్లవి:
చెదరి తిట్టు పుణుఁగు చెక్కులఁ గరిగి జార
సుదతి నెచ్చెలి మీఁద సోలగిలినది వో
చ. 1:
ఇంతివీఁపు నిమ్మపంట నేమరించి తాఁకవేసి
మంతన మెవ్వరితోనో మాటలాడేవు
అంతలోనే కళదాఁకి అకె మేను జల్లనఁగ
చింతతోనే మోమువంచి సిగ్గువడినదివో
చ. 2:
పొలతిఁగుబ్బలు నొవ్వఁబూవులచెండున వేసి
కలికతనమున మరలి చూచేవు
కలకంటి యింతలోనే కంతునిబాణమునవి
పలుకనేరక మానుపడి వున్నదదివో
చ. 3:
పొక్కెడిచెలిఁ బన్నీటి పొట్లానఁ దాఁకవేసి
తక్కరి నవ్వులతోడఁ దలవంచేవు
గక్కన నేఁడతివ వేంకటరాయ నినుఁగూడి
వెక్కసపు మఱపతో వెరగందినదివో