ఈ పుట అచ్చుదిద్దబడ్డది
రేకు: 0088-3 రామక్రియ సం: 05-340
పల్లవి:
తమకమును దలపోఁతయును గలదెందాఁక
అమరుఁ జెలువము దనకు నందాకఁ దరుణి
చ. 1:
విరసంపు మరునిపై వెరపు మతికెందాఁక
ఆరయఁ దనయాపదయు నందాఁక
సిరిదొలఁకు జవ్వనపు సిగ్గు నీకెందాఁక
అరవిరి విలాసంబునందాఁకఁ దరుణి
చ. 2:
ఎనయు ముదములును దనయేతులును నెందాఁక
అనుఁగుఁ గోరికలు దనకందాఁక
కనుఁగొనల నవ్వులును కాఁకలును నెందాఁక
అనవరతసుఖము దనకందాఁకఁ దరుణి
చ. 3:
తలఁపు వేంకటవిభుని తగులు గలదెందాఁక
అలరుఁదెలుపులు మతులునందాఁక
కలయునాతని చనవు కరుణగలదెందాఁక
అలవోక పరిణతలునందాఁకఁ దరుణి