ఈ పుట అచ్చుదిద్దబడ్డది
రేకు: 0085-5 కొండమలహరి సం: 05-324
పల్లవి:
కొండలోఁ గోవిల గుయ్య గుండె వగిలె నీ-
యండకు రాఁగాఁ బ్రాణమంతలో బ్రదికెరా
చ. 1:
వలచి నిన్ను వెదకి వడి నే రాఁగాను
పులివలె మగఁడుండెఁ బోనియ్యక
తలఁచి నాకంతలోనే తల నొవ్వఁగాను
చిలుకుఁ బులకలెత్తి సిగ్గువలె వలపు
చ. 2:
ఏమరించి యింటివారినెడసి నే రాఁగాను
గామైన బిడ్డయేడ్చెఁ గదలనీక
తామసించి యుండలేక తల్లడించఁగాను
చీమలు మైవాఁకినట్టు చిమ్మిరేఁగె వలపు
చ. 3:
వుండలేక యిప్పుడు నీ వొద్దికి నే రాఁగాను
కొండవలె మరఁదుండెఁ గోపగించుక
బొండుమల్లెపరపుపైఁ బొరలేటి యిట్టి నన్ను
కొండలరాయఁడ నిన్నుఁ గూడించె నావలపు
