ఈ పుట అచ్చుదిద్దబడ్డది
రేకు: 0085-3 తెలుఁగుఁగాంబోది సం: 05-322
పల్లవి:
చక్కఁదనములనే వేసాలఁబొయ్యేవు నీ-
యెక్కువలె యింతసేసె నెక్కడ చొచ్చేవే
చ. 1:
వెన్నెలలకునె యింత వెరచేవు నీమోము
వెన్నెలలచే నెట్టు వేఁగించేవే
సన్నపుఁ దేంట్లకిట్టె జడిసేవు నెలఁత నీ-
యిన్ని నెరిఁదుమ్మెదలకెట్ల లోఁగేవే
చ. 2:
చిలుకలకునే యింత చిమిడేవు నీ చిలుక-
పలుకుల నెక్కడికిఁ బారఁదోలేవే
చలిగాలికినె యింత జడిసేవు నెలఁత య-
గ్గలపుటూర్పుగాలికెక్కడ నొదిగేవే
చ. 3:
మదనుఁడనినను వేమారు గలఁగేవు నీ-
మదనగురునికెట్టు మనసిచ్చేవే
ఇదె వేంకటేశుఁడు నిన్నెనసి కౌఁగిటఁగూడె
పొదలుఁదావులకెట్టు పొంగుచుఁ జొక్కేవె