ఈ పుట అచ్చుదిద్దబడ్డది
రేకు: 0083-6 శ్రీరాగం సం: 05-312
పల్లవి:
ఎట్టు సైఁతువె వలపు యింతి పరులు
రట్టునేయఁగ మిగుల రాఁపవునె కొంత
చ. 1:
రాక విభుఁడేఁపటి రాజసంబొకకొంత
చీకాకు పడఁజేయు చింత వొకకొంత
పైకొన్న చిత్తంబు పట్టరానిది గొంత
మేకులకుఁ జెలులాడు మేలమొకకొంత
చ. 2:
పలుమారు వలయించు పరవశంబొకకొంత
పొలయలుకలను బొడము బూకలొకకొంత
కలికి కన్నులఁ బొలయు కాఁతాళమొకకొంత
కొలఁదిమీరిన మంచికోపమొకకొంత
చ. 3:
గరగరిక వేడుకల కలపుకోలొకకొంత
వరుసఁ గోమలమైన వయసులొకకొంత
తిరువేంకటాద్రీశు దివ్యమహిమలు గొంత
సరిలేని పొందికల చనవులొకకొంత