ఈ పుట అచ్చుదిద్దబడ్డది
రేకు: 0081-5 బౌళి సం: 05-299
పల్లవి:
బహుకర్మభోగంపు పనులెల్ల నిట్లనే
యిహసుఖంబిందరికి నెట్లనో కాని
చ. 1:
మెలుఁత విభుఁ బాసియును మితిలేని వేదనల-
నలరి యాతనిఁగూడు నభిరతుల నలసె
అలిగినను గూడినను కలిగె వలపులు దనకు-
నెలమిఁ దనసుఖములిఁక నెప్పుడో కాని
చ. 2:
ఉడుగని వియోగాగ్ని నూర్పు గడు వేఁడాయ
కడు రతులతో నూర్పు గాఁగి వేఁడాయ
కడఁగిననుతాపంబె కప్పె మై తాపంబె
యెడలేని తమి యింత నెప్పుడో కాని
చ. 3:
తిరువేంకటాచలాధిపునిఁ బాసినయపుడు
తరుణి యాతనినిపుడు తగఁ గూడినపుడు
పరవశము దఱచాయ పైపైనె ఘమమాయ
యిరవైన యెరుకలిఁక నెప్పుడో కాని