ఈ పుట అచ్చుదిద్దబడ్డది
రేకు: 0081-3 ముఖారి సం: 05-297
పల్లవి:
కంటిమి నీలాగులెల్లఁ గన్నుల యాఁకలి దీర
బంది బంటు తనమేల మాతోఁ బంతమింత చాలదా
చ. 1:
మింటిమీఁది కంటిచూపు వంటలేని కూడు నీకు
గుంటిమీఁది తోడఁబుట్టు గొల్లవారికలిమి
ఒంటిగాక లోకమెల్లనొక్కటైన మేను మంచి-
జుంటితోడిఁ బుటినాలు సుకమింత చాలదా
చ. 2:
నాలుగు మోములబిడ్డ నవ్వుల సంసారము
వేలుమోపరానియిల్లు వింతవింతచెలువు
కాలిగోరఁ బుట్టినట్టి గద్దరికూఁతురు మంచి
పాలమీఁదిపడుక నీ బ్రదుకింత చాలదా
చ. 3:
ఎల్లనాఁడు నురముమీఁద నెండగాయ కావిరాయి
గుల్లకూఁతతోడినోరు కొనగోరుబలిమి
చెల్లురా నీకింతవట్టు శ్రీవేంకటేశ్వరుఁడ
మల్లువారితోడి పోరుమానవింత చాలదా