ఈ పుట అచ్చుదిద్దబడ్డది
రేకు: 0081-1 లలిత సం: 05-295
పల్లవి:
తెప్పగా మఱ్ఱేకుమీఁదఁ దేలాడువాఁడు
ఎప్పుడు లోకములెల్ల నేలేటివాఁడు
చ. 1:
మోఁతనీటి మడుగులో యీఁతగరచినవాఁడు
పాఁతగిలే నతికిందఁబాయనివాఁడు
మూఁతి దోసిపట్టి మంటిముద్ద పెల్లగించువాఁడు
రోఁతయైన పేగుల పేరుల గలవాఁడు
చ. 2:
కోడికూఁతనోరివాని కుఱ్ఱతమ్ముఁడైనవాఁడు
బూడిది పూసినవాని బుద్దులవాఁడు
మాడవన్నె లేటివెంట మాయలఁ దగిలినవాఁడు
దూడల నావులఁ గాచి దొరయైనవాఁడు
చ. 3:
ఆకసానఁ బారేవూరి అతివల మానములు
కాకు సేయువాఁడు తురగముపైవాఁడు
ఏకమై వేంకటగిరి నిందిరారమణిఁ గూడి
యేకాలముఁ బాయని యెనలేనివాఁడు