ఈ పుట అచ్చుదిద్దబడ్డది
రేకు: 0078-5 శ్రీరాగం సం: 05-281
పల్లవి:
పువ్వుగట్టినట్టి మేన- బుక్కిలించీఁ జెమట నీ-
జవ్వనపు మదమెపో చలపట్టిని
చ. 1:
మోలకనవ్వు చిగురుమోవి మోపనీక నీ-
పలుకుఁ గోవిలలె పో పగచాటీని
తిలకపుమోమునకుఁ దేంట్ల రానీక నీ-
యలకల చెదరె పో యదలించీని
చ. 2:
చనవున నీముఖచందురుని వంక నీ-
చనుజక్కవలె పో చాడిచెప్పీని
మనసు చీఁకట్ల నీమదనతాపపుఁ జింత
కనుఁగవలె పో గాదెఁబోసీని
చ. 3:
దటపుఁ దమకపు మైదావానలానకు
నిట్టూపురులె పో నీడవెట్టీని
గుట్టుతోనుండిన కూరిమిపంపులే పోనీ-
పట్టపు వేంకటపతిఁ బట్టి తెచ్బీని