ఈ పుట అచ్చుదిద్దబడ్డది
రేకు: 0078-3 శ్రీరాగం సం: 05-279
పల్లవి:
ఉండవద్దా యిటువంటి వొడికాలను చను-
గొండలపై నుదయించెఁ గొండుక చందురుఁడు
చ. 1:
మింటిమీఁది చందురుఁడు మేదినిపై కలువల
నంటు సేసెనట యేఁటి నాటకములే
కంటిచూపు కలువల కలకకోరిచెఁ బైఁడి-
వంటిమేని జవరాలి వదన చందురుఁడు
చ. 2:
జలధిలో జనియించి చందురుఁడె పగలాయ
జలజములకు నేఁటి శాంతములే
మెలుఁతమోమై నేఁడు మెత్తనికరతలము-
జలజానఁ బవళించెఁ జక్కని చందురుఁడు
చ. 3:
చింకచందురుఁడు కందుఁజీఁకటి మైచీఁకటే
యింకఁజేసి పారఁదోలీనేఁటిపాందులే
వేంకటేశుని కౌఁగిట వెలఁదిమోమై నేఁడు
వంక నెరిచీఁకటి వలఁచె జందురుఁడు