ఈ పుట అచ్చుదిద్దబడ్డది
రేకు: 0074-6 ఆహిరి సం: 05-258
పల్లవి:
వలతునందువు నాకు వడినెప్పుడును నేఁ-
డెలమి నొకచో భావ మెట్లుండె నీకు
చ. 1:
బరువైన మదనతాపంబునకు వెరవకిటు
పురవేదనలను నేఁబొరలఁగాను
సరసమున నీవచట సతులకౌఁగిటనుండి
యిరవుకొననపుడు మనసెట్టుండె నీకు
చ. 2:
వదలిన తురుముతోడ వాడువదనముతోడ
వొదిగినేనిటు చింతనుండఁ గాను
సదమదముగాఁగ నొకసతిని గౌఁగిటి రతుల-
గదియంగఁ జిత్తమేగతి నుండె నీకు
చ. 3:
జమలి మొలనూళ్ళతో జవ్వాదిమేనితో
నమరి యీరీతి నేనలరఁగాను
కొమరొందఁ గూడితివి కోనేటిరాయ నీ-
తమకమెందాఁక నెంతటినుండి నీకు
