ఈ పుట అచ్చుదిద్దబడ్డది
రేకు: 0069-4 మాళవి సం: 05-226
పల్లవి:
చూడవమ్మ యశోదమ్మ
వాడల వాడల వరదలివిగో
చ. 1:
పొంచి పులివాలుఁ బెరుగు
మించు మించు మీఁగడలు
వంచి వారలుపట్టిన
కంచపుటుట్ల కాఁగులివిగో
చ. 2:
పేరీఁ బేరని నేతులు
చూరలు వెన్నల జున్నులును
ఆరగించి యట సగఁబాళ్ళు
పారవేసిన బానలివిగో
చ. 3:
తెల్లని కనుఁదీగెల సోగల
చల్లలమ్మేటి జవ్వనుల
చెల్లినట్లనే శ్రీవేంకటపతి
కొల్లలాడిన గురుతులివిగో