ఈ పుట అచ్చుదిద్దబడ్డది
రేకు: 0066-1 దేశి సం: 05-205
పల్లవి:
ముదిత చిత్తమునకు మొక్కరమ్మా
తుదలేని పతినిదె తోడితెంచె నిపుడు
చ. 1:
పొలఁతి గుబ్బలనెడి పొడపు గుబ్బలిమీఁది-
మొలకచందురునకు మొక్కరమ్మా
నెలవుగఁ దనపతి నిద్దిరించే యింటిలోన
వెలయు వెన్నెలతీగె వెంటఁదెచ్చె నిపుడు
చ. 2:
వనిత కన్నులనేటి వనజదళములపై
మొన చెంగలువలకు మొక్కరమ్మా
పెనగొన్న తనవిభ పెదపెద కన్నుల
గొనకొన్న పాందులెల్లఁ గొంటవచ్చె నిపుడు
చ. 3:
అంచగమనకుఁ దొడవైన జవ్వాది నీట
ముంచిన మేనితావికి మొక్కరమ్మా
యెంచరాని తిరువేంకటేశుఁ గూడి యాతనిఁ
లంచపుఁ గౌఁగిటితావి లంకెఁ బెట్టె నిపుడు