ఈ పుట అచ్చుదిద్దబడ్డది
రేకు: 0061-5 శుద్దవసంతం సం: 05-180
పల్లవి:
ఎన్ని సేసినా నీకు నిది గొత్తలా
అన్నిటిలోపల నుండే అతఁడౌదో కావో
చ. 1:
వొలఁతి మొయిఁదీగెపై పులకలు వొడమించే-
విల నిన్నుఁ దలఁపించి యిది గొత్తలా
తలకొన్న వేణునాదముననె వట్టిమాఁకు-
లలర- జేసినవాఁడవౌదువో కావో
చ. 2:
గుట్టునఁ బయ్యెదకొంగు గుబ్బలనె జారించే-
విట్టె నీ ప్రేమనే యిఁతికిది గొత్తలా
మట్టుకొని వేణురవమున గొల్లెతల చీర-
లట్టు నిట్టు వదలించి నాతఁడౌదో కావో
చ. 3:
కాంత కవుఁగిటను వేంకటగిరి విభుఁడా నీ-
వింత మేను మఱపించుటిది గొత్తలా
పంతమూడి యడవిలో పసుల నీరాగాల-
రంతులనే మఱపించే రాజవవుదో కావో