ఈ పుట అచ్చుదిద్దబడ్డది
రేకు: 0024-1 పాడి సం: 05-132
పల్లవి:
అవి యెటువంటి రహస్యములో
సవరని సతులకు ఝల్లనె మేను
చ. 1:
కల గని చెలితో కాంత నాయకుని-
చెలువము చెప్పుచు చిడిముడితో
పలుకఁగ నేరక భ్రమసిన మాటలు
తలఁచి చెలులు కడుఁ దత్తరపడిరి
చ. 2:
రమణుఁడు కలలో రమణితో ననిన-
ప్రమదపు దైన్యపు పలుకులివి
చెమరించఁగ విని శిరసులు వంచుక
కొమెరలు దలఁచిరి కూరిమిపతుల
చ. 3:
వేంకటరమణుఁడు వెలఁదియుఁ గలలో
బింకపుఁ గూటమిఁ బెనఁగుటలు
లంకెల పొందులు లలనలు విని విని
కొంకక కనుఁగొనఁ గురిసిరి నీరు